اسرائیل میں سیکڑوں افراد ایران کے ساتھ ممکنہ جنگ کے خلاف سڑکوں پر نکل آئے۔
عرب میڈیا کے مطابق عوامی اجتماعات پر پابندی کے باوجود مظاہرین نے احتجاجی ریلی میں حصہ لیا
اور وزیراعظم نیتن یاہو کے خلاف نعرے لگائے۔
مظاہرین نے مختلف پلے کارڈز اٹھائے جن پر ’’بمباری نہیں بات کرو‘‘ اور ’’نہ ختم ہونے والی جنگ ختم کرو‘‘ جیسے پیغامات درج تھے۔
اس کے علاوہ انہوں نے ایران، لبنان، غزہ میں جاری جنگ اور مغربی کنارے میں منظم تشدد روکنے کا بھی مطالبہ کیا۔
احتجاج کے دوران پولیس اور مظاہرین میں جھڑپیں بھی ہوئیں اور متعدد افراد کو گرفتار کر لیا گیا۔
مظاہرین کا کہنا تھا کہ وہ پرامن احتجاج کے ذریعے جنگ بندی اور تشدد کی روک تھام چاہتے ہیں۔
