ڈمپر کی ٹکر سے 3 افراد جاں بحق،ڈرائیور موقع سے فرار
لاہور کے علاقے ڈی ایچ اے فیز 6 میں افسوسناک ٹریفک حادثہ پیش آیا، جہاں تیز رفتار ڈمپر نے موٹر سائیکل کو ٹکر ماردی۔
ریسکیو حکام کے مطابق حادثے کے نتیجے میں موٹر سائیکل سوار تین افراد موقع پر ہی جاں بحق ہوگئے، جبکہ ڈمپر کا ڈرائیور حادثے کے فوراً بعد موقع سے فرار ہوگیا۔
پولیس کے مطابق جاں بحق ہونے والے تینوں افراد کا تعلق ضلع قصور سے ہے۔ لاشوں کو ضروری کارروائی کے بعد ڈیڈ ہاؤس منتقل کر دیا گیا ہے۔
پولیس نے ڈرائیور کی تلاش شروع کر دی ہے اور واقعے کی تحقیقات جاری ہیں۔
