مستونگ کارروائی،4 بھارتی سرپرستی یافتہ دہشت گرد ہلاک
راولپنڈی: پاک فوج کے شعبہ تعلقات عامہ (آئی ایس پی آر) نے بتایا ہے کہ سیکیورٹی فورسز نے مستونگ میں خفیہ اطلاع کی بنیاد پر آپریشن کر کے چار بھارتی سرپرستی یافتہ دہشت گرد ہلاک کر دیے۔
آئی ایس پی آر کے مطابق کارروائی اس اطلاع پر عمل میں لائی گئی کہ بھارتی پراکسی تنظیم "فتنہ الہندوستان” کے مسلح عناصر اس علاقے میں موجود تھے۔ سیکیورٹی فورسز نے دہشت گردوں کے ٹھکانے کو مؤثر انداز میں نشانہ بنایا اور وہاں سے بڑی مقدار میں اسلحہ، گولہ بارود اور دھماکا خیز مواد ضبط کیا گیا۔
آئی ایس پی آر نے کہا ہے کہ سیکیورٹی فورسز دہشت گردی کے اس ناسور کو جڑ سے اکھاڑ پھینکنے کے عزم پر قائم ہیں اور مجرموں کو کیفرِ کردار تک پہنچایا جائے گا۔
