یوکرین میں روسی میزائلوں کی بارش،6ہلاک۔روس نے یوکرین کے توانائی کے نظام اور رہائشی عمارتوں پر درجنوں میزائل اور ڈرون حملے کیے، جن کے نتیجے میں کم از کم 6 افراد ہلاک اور کئی زخمی ہوگئے۔
یوکرینی حکام کے مطابق Dnipro شہر میں ایک رہائشی عمارت پر حملے میں 2 افراد جان سے گئے اور 12 زخمی ہوئے، جبکہ Zaporizhzhia میں 3 ہلاکتوں کی تصدیق ہوئی ہے۔
ذرائع کے مطابق روس نے یوکرین کے مختلف علاقوں میں 25 مقامات کو نشانہ بنایا، جن میں دارالحکومت کیف بھی شامل ہے۔ حملوں کے باعث خارکیف اور کیف کے علاقوں میں توانائی تنصیبات کو شدید نقصان پہنچا اور کئی علاقوں میں بجلی منقطع ہوگئی۔
یوکرینی فضائیہ کے مطابق روس نے رات کے وقت 450 سے زائد ڈرونز اور 45 میزائل فائر کیے، جن میں سے 9 میزائل اور 406 ڈرونز تباہ کر دیے گئے۔
ادھر روسی وزارتِ دفاع کا کہنا ہے کہ اس کی افواج نے 79 یوکرینی ڈرونز مار گرائے۔ یوکرینی وزارتِ توانائی کے مطابق Dnipro سمیت کئی علاقوں میں بجلی کی فراہمی متاثر ہوئی ہے۔
روسی حکام کا کہنا ہے کہ توانائی کے مراکز پر حملے یوکرینی فوجی صلاحیتوں کو کمزور کرنے کے لیے کیے گئے ہیں، جبکہ یوکرینی صدر وولودیمیر زیلینسکی نے کہا ہے کہ ان حملوں کے بعد روس پر توانائی کے شعبے میں مغربی پابندیوں میں کوئی نرمی نہیں ہونی چاہیے۔
