لبنان کا امریکا پر اسرائیلی فوج کے انخلا کے لیے دباؤ ڈالنے کا مطالبہ-لبنان کے صدر نے امریکا سے مطالبہ کیا ہے کہ وہ جنوبی لبنان سے اسرائیلی فوج کے انخلا کو یقینی بنانے کے لیے اسرائیل پر مؤثر دباؤ ڈالے۔
دونوں ممالک کے صدور کے درمیان ہونے والے ٹیلیفونک رابطے میں لبنان کی موجودہ سیکیورٹی صورتحال اور اسرائیل-لبنان فریم ورک معاہدے پر تبادلہ خیال کیا گیا۔
لبنانی صدر نے زور دیا کہ امریکا معاہدے کی مبینہ خلاف ورزیوں کو روکنے میں اپنا کردار ادا کرے تاکہ خطے میں کشیدگی میں کمی لائی جا سکے۔
لبنان کے صدر نے امریکی صدر کو یقین دہانی کرائی کہ ان کا ملک فریم ورک معاہدے کے تحت اپنی تمام ذمہ داریاں پوری کرے گا اور خطے میں امن و استحکام کے لیے تعاون جاری رکھے گا۔
