خیبر پختونخوا کی نئی کابینہ کے اراکین نے حلف اٹھالیا
پشاور: خیبر پختونخوا کی نئی صوبائی کابینہ کے اراکین نے اپنے عہدوں کا حلف اٹھالیا۔ گورنر فیصل کریم کنڈی نے نومنتخب وزراء سے حلف لیا۔
حلف برداری کی تقریب گورنر ہاؤس پشاور میں منعقد ہوئی، جس میں صوبائی و وفاقی حکام سمیت دیگر سیاسی رہنماؤں نے شرکت کی۔
نئی کابینہ میں شامل وزراء میں مزمل اسلم، مینا خان، فضل شکور، فیصل ترکئی، عاقب اللّٰہ، شفیع جان، خلیق الرحمان اور ڈاکٹر امجد شامل ہیں۔
اس کے علاوہ ریاض خان، فخر جہاں اور تاج محمد ترند نے بھی صوبائی وزیر کے عہدے کا حلف اٹھایا۔
تقریب کے دوران گورنر خیبر پختونخوا نے نو وزراء کو مبارکباد دیتے ہوئے نیک خواہشات کا اظہار کیا اور امید ظاہر کی کہ نئی کابینہ صوبے کی ترقی اور عوامی خدمت کے مشن کو آگے بڑھائے گی۔
