اسرائیل کے وزیر دفاع نے کہا ہے کہ ملکی فوج ہر ممکن صورتحال کے لیے تیار ہے اور اگر ضرورت پیش آئی تو ایران کے خلاف مزید فوجی کارروائی کی جا سکتی ہے۔
مقامی میڈیا رپورٹس کے مطابق اسرائیلی وزیر دفاع اسرائیل کاٹز نے فضائیہ کے پائلٹس کی گریجویشن تقریب سے خطاب کرتے ہوئے کہا کہ اسرائیلی فوج مکمل طور پر الرٹ ہے اور مستقبل میں درپیش کسی بھی خطرے سے نمٹنے کی صلاحیت رکھتی ہے۔
انہوں نے کہا کہ اگر حالات نے تقاضا کیا تو اسرائیل ایران کے خلاف ایک اور فوجی کارروائی کے لیے بھی تیار ہوگا۔ ان کے بقول ملکی دفاع اور قومی سلامتی کے تحفظ کے لیے تمام ضروری اقدامات کیے جائیں گے۔
رپورٹس کے مطابق اسرائیل اور ایران کے درمیان حالیہ کشیدگی کے دوران دونوں ممالک کے درمیان متعدد فوجی کارروائیاں ہوئیں، جبکہ امریکا بھی اس تنازع میں مختلف مراحل پر شامل رہا۔
