آزادکشمیر انتخابات:دوسرے مرحلے میں ن لیگ کو برتری

آزادکشمیر انتخابات:دوسرے مرحلے میں ن لیگ کو برتری-آزاد جموں و کشمیر قانون ساز اسمبلی کے انتخابات کے دوسرے مرحلے کے لیے ہونے والی پولنگ کے بعد غیرحتمی اور غیرسرکاری نتائج موصول ہونا شروع ہوگئے ہیں۔

ابتدائی نتائج کے مطابق مسلم لیگ (ن) مجموعی طور پر سبقت حاصل کیے ہوئے ہے، جبکہ مہاجرین کی دو نشستوں پر کامیابی بھی اپنے نام کر چکی ہے۔

دوسرے مرحلے میں مظفرآباد ڈویژن کی 8 نشستوں اور مہاجرین کی 12 نشستوں پر ووٹنگ ہوئی۔ مظفرآباد ڈویژن میں پولنگ مقررہ وقت کے بعد ایک گھنٹہ مزید جاری رہی، جبکہ مہاجرین کی نشستوں پر ووٹنگ شام 5 بجے اختتام پذیر ہوئی۔

ابتدائی نتائج کے مطابق نیلم ویلی، مظفرآباد اور دیگر حلقوں میں مختلف سیاسی جماعتوں کے درمیان سخت مقابلہ جاری ہے، تاہم کئی حلقوں میں مسلم لیگ (ن) کے امیدوار واضح برتری حاصل کیے ہوئے ہیں۔ دوسری جانب پاکستان پیپلز پارٹی بھی بعض نشستوں پر مضبوط پوزیشن میں ہے۔

مہاجرین کی نشستوں میں اب تک دو حلقوں کے مکمل غیرحتمی نتائج سامنے آ چکے ہیں، جن کے مطابق ایل اے 43 کشمیر ویلی 4 سے مسلم لیگ (ن) کے محمد یاسین لون اور ایل اے 44 کشمیر ویلی 5 سے مسلم لیگ (ن) کے محمد احمد رضا قادری کامیاب قرار پائے ہیں۔

ادھر ایل اے 27 مظفرآباد میں خراب موسم کے باعث پولنگ ملتوی کردی گئی، جس کے لیے نئی تاریخ کا اعلان بعد میں کیا جائے گا۔

الیکشن حکام کے مطابق دیگر حلقوں میں ووٹوں کی گنتی کا عمل جاری ہے اور مکمل نتائج موصول ہونے کے بعد سرکاری اعلان کیا جائے گا۔

غیرحتمی و غیرسرکاری نتائج کا خلاصہ

نوٹ: یہ تمام نتائج غیرحتمی اور غیرسرکاری ہیں۔ حتمی نتائج کا اعلان الیکشن کمیشن آزاد جموں و کشمیر کی جانب سے جاری کیا جائے گا۔