سود میں کمی سے لیوی کا بوجھ ختم، حافظ نعیم

اسلام آباد: امیر جماعت اسلامی پاکستان حافظ نعیم الرحمان نے حکومت پر زور دیا ہے کہ وہ سود کی شرح میں 3 فیصد سود میں کمی کر کے لیوی لگانے کی ضرورت کو ختم کرے۔ انہوں نے کہا کہ موجودہ حکومتی پیکیج عوام کے لیے ناکافی ہے اور اکثریت کو اس سے سبسڈی نہیں مل رہی۔

حافظ نعیم نے حکومتی معاشی پالیسیوں پر شدید تنقید کرتے ہوئے کہا کہ حکومت کی جانب سے دیا جانے والا پیکیج بھی عوام کی مشکلات کم کرنے میں ناکام ہے۔ انہوں نے مزید کہا کہ ملک کی بڑی آبادی سبسڈی سے محروم ہے جبکہ مہنگائی کا بوجھ عام آدمی پر بڑھتا جا رہا ہے۔

جماعت اسلامی کے امیر نے واضح کیا کہ اگر حکومت سنجیدگی سے سود کی شرح میں کمی کرتی ہے، تو نہ صرف معیشت پر بوجھ کم ہوگا بلکہ عوام کو اضافی لیوی کے نام پر مزید ٹیکسوں سے بھی چھٹکارا مل جائے گا۔ انہوں نے حکومت پر زور دیا کہ وہ عوام کے حقیقی مسائل کو حل کرنے کے لیے ٹھوس اقدامات کرے۔