اسلام آباد سے راولپنڈی جانے والی میٹرو بس میں آتشزدگی-راولپنڈی اسلام آباد میٹرو بس سروس میں آج اس وقت خوف و ہراس پھیل گیا جب اسلام آباد سے راولپنڈی جانے والی ایک میٹرو بس میں اچانک آگ بھڑک اٹھی۔
واقعہ سکستھ روڈ میٹرو اسٹیشن کے قریب پیش آیا جہاں بس کے انجن میں لگنے والی آگ نے دیکھتے ہی دیکھتے پوری گاڑی کو اپنی لپیٹ میں لے لیا۔
اسلام آباد سے راولپنڈی جانے والی میٹرو بس میں آتشزدگی#میٹرو_بس #راولپنڈی #اسلام_آباد #میٹرو_بس_حادثہ #سکستھ_روڈ #آتشزدگی #ریسکیو1122 #پاکستان #BreakingNews #MetroBusFire #Rawalpindi #Islamabad pic.twitter.com/i5NRxfVZ00
— abs 24news (@abs24news_) May 23, 2026
عینی شاہدین کے مطابق آگ کے بلند شعلے اور دھوئیں کے بادل دور دور تک دکھائی دیتے رہے۔ انتظامیہ کا کہنا ہے کہ خوش قسمتی سے بس میں کوئی مسافر موجود نہیں تھا جس کے باعث کسی قسم کا جانی نقصان نہیں ہوا۔
ریسکیو ٹیموں نے موقع پر پہنچ کر آگ پر قابو پالیا جبکہ واقعے کی وجوہات جاننے کیلئے تحقیقات کا آغاز کردیا گیا ہے۔
