پیٹرول 2 روپے 71 پیسے سستا، ڈیزل 31 پیسے مہنگا-پیٹرول کی نئی قیمت 379 روپے 31 پیسے فی لیٹر مقرر کی گئی ہے، جبکہ اس سے قبل قیمت 382 روپے 2 پیسے فی لیٹر تھی۔
حکومت نے پیٹرول کی قیمت میں 2 روپے 71 پیسے فی لیٹر کمی جبکہ ہائی اسپیڈ ڈیزل کی قیمت میں 31 پیسے فی لیٹر اضافہ کر دیا ہے۔ پیٹرولیم مصنوعات کی نئی قیمتوں کا اطلاق 22 اکتوبر 2026 سے ہوگا۔
پیٹرولیم ڈویژن کی جانب سے جاری نوٹیفکیشن کے مطابق آئل اینڈ گیس ریگولیٹری اتھارٹی (اوگرا) کی سفارشات اور حکومتی طریقہ کار کے تحت قیمتوں میں ردوبدل کیا گیا ہے۔
نوٹیفکیشن کے مطابق پیٹرول کی نئی قیمت 379 روپے 31 پیسے فی لیٹر مقرر کی گئی ہے، جبکہ اس سے قبل قیمت 382 روپے 2 پیسے فی لیٹر تھی۔
اسی طرح ہائی اسپیڈ ڈیزل کی قیمت 31 پیسے اضافے کے بعد 390 روپے 11 پیسے فی لیٹر ہو گئی ہے۔ اس سے پہلے ڈیزل 389 روپے 80 پیسے فی لیٹر میں فروخت ہو رہا تھا۔
وزارت پیٹرولیم کے اعلامیے کے مطابق عالمی منڈی کی صورتحال، پیٹرولیم مصنوعات کی قیمتوں اور دیگر اخراجات کو مدنظر رکھتے ہوئے نئی قیمتوں کا تعین کیا گیا ہے۔
