ٹرمپ کا اے آئی فورس بنانے کا اعلان

امریکی صدر ڈونلڈ ٹرمپ نے اے آئی فورس بنانے کا باقاعدہ اعلان کر دیا ہے۔ اس نئے اقدام کے تحت مصنوعی ذہانت کے شعبے کی نگرانی اور ترقی کے لیے ایک الگ سربراہ مقرر کرنے کا فیصلہ کیا گیا ہے۔

ٹرمپ کے اس اعلان کے بعد امریکا میں مصنوعی ذہانت کے ضابطہ کار، سکیورٹی اور ممکنہ خطرات پر جاری بحث مزید اہم ہو گئی ہے۔ ماہرین کا کہنا ہے کہ یہ قدم امریکی حکومت کی جانب سے ٹیکنالوجی کے میدان میں اپنی برتری برقرار رکھنے کی ایک بڑی کوشش ہے۔

نئی اے آئی فورس کا مقصد مصنوعی ذہانت سے جڑے قومی سلامتی کے معاملات کو بہتر بنانا اور اس ٹیکنالوجی کے غلط استعمال کو روکنا ہے۔ امریکی حکام کا ماننا ہے کہ اس فورس کے قیام سے ملک میں ٹیکنالوجی کے شعبے میں نئی پیش رفت ہوگی اور عالمی سطح پر امریکا کا مقام مزید مضبوط ہوگا۔