پاک سعودی دفاعی تعاون کو مزید مضبوط بنانے پر اتفاق-پاکستان اور سعودی عرب نے دفاعی تعاون کو مزید مضبوط بنانے پر اتفاق کیا ہے۔
اس حوالے سے وفاقی وزیر داخلہ محسن نقوی اور سعودی وزیر داخلہ شہزادہ عبدالعزیز بن سعود کے درمیان ٹیلی فونک رابطہ ہوا۔
گفتگو کے دوران دونوں رہنماؤں نے پاک سعودی تعلقات، سیکیورٹی تعاون اور باہمی دلچسپی کے دیگر امور پر تبادلہ خیال کیا۔ اس موقع پر دفاعی تعاون کو فروغ دینے اور دوطرفہ روابط کو مزید وسعت دینے کے عزم کا اعادہ بھی کیا گیا۔
ذرائع کے مطابق پاکستان اور سعودی عرب نے مختلف شعبوں میں تعاون بڑھانے اور مشترکہ شراکت داری کو مزید مستحکم بنانے پر بھی اتفاق کیا ہے۔
