لگتا ہے دونوں بڑے دہشت گرد ہیں،شیریں مزاری کا سزا پر تبصرہ-ایمان مزاری اور ہادی علی نے اپنے خلاف عائد الزامات میں سے کئی کو غلط ثابت کیا
شیریں مزاری نے اپنی بیٹی ایمان مزاری اور داماد ہادی علی کو 13، 13 سال قید کی سزا سنائے جانے کے عدالتی فیصلے پر ردعمل دیتے ہوئے کہا ہے کہ سزا کی مدت دیکھ کر ایسا لگتا ہے جیسے دونوں بہت بڑے دہشت گرد ہوں۔
داہگل ناکے پر صحافیوں سے گفتگو کرتے ہوئے شیریں مزاری نے دعویٰ کیا کہ ایمان مزاری اور ہادی علی نے اپنے خلاف عائد الزامات میں سے کئی کو غلط ثابت کیا، جبکہ استغاثہ کی جانب سے کوئی گواہ قابلِ اعتماد شواہد پیش نہیں کرسکا۔
ان کا کہنا تھا کہ اس مقدمے میں دہشت گردی کا کوئی معاملہ نہیں تھا۔ انہوں نے الزام عائد کیا کہ ایمان مزاری اور ہادی علی کو اپنے وکلا سے ملاقات کی اجازت بھی نہیں دی گئی۔
شیریں مزاری کے مطابق ایمان مزاری اور ہادی علی کسی سیاسی جماعت کے رکن نہیں بلکہ انسانی حقوق کے شعبے سے وابستہ وکلا ہیں۔ ان کا کہنا تھا کہ دونوں نے غریب اور ضرورت مند افراد کے حقوق کے لیے آواز اٹھائی، جو بعض حلقوں کو پسند نہیں آئی۔
