مس گرینڈ انٹرنیشنل میں حسینہ کی بڑی لغزش، لمحہ فوراً وائرل۔

مس گرینڈ انٹرنیشنل میں حسینہ کی بڑی لغزش، لمحہ فوراً وائرل۔

تھائی لینڈ میں ہونے والے مس گرینڈ انٹرنیشنل کے سالانہ مقابلہ حسن میں ایک غیر معمولی اور تاریخی
نوعیت کی غلطی پیش آگئی جس نے تقریب کو لمحوں میں سوشل میڈیا پر موضوعِ بحث بنا دیا۔ اس دوران وسطی امریکا کے ملک پانامہ کی نمائندہ حسینہ اسامر نام کے اعلان کو غلط سمجھ کر خود کو فائنل کے لیے منتخب تصور کرتے ہوئے پُراعتماد انداز میں اسٹیج پر آگے بڑھ گئیں۔

مگر چند ہی لمحوں بعد جب اعلان واضح ہوا کہ دراصل فائنل کے لیے منتخب ہونے والی امیدوار پیراگوئے کی سیسیلیا رومیرو (Cecilia Romero) ہیں، تو اسامر کو اپنی غلطی کا احساس ہوا اور وہ شرمندگی کے عالم میں اسٹیج سے واپس پلٹ گئیں۔

یہ پورا واقعہ کیمروں میں ریکارڈ ہوگیا اور ویڈیو فوری طور پر سوشل میڈیا پر وائرل ہوکر دنیا بھر میں زیرِ بحث آگئی۔ صارفین کی جانب سے اس پر ملا جلا ردعمل سامنے آیا—کچھ نے اسے انسانی غلطی قرار دیا، جبکہ دیگر نے منتظمین کی پیشہ ورانہ کوتاہی پر سوال اٹھائے۔