عمران خان کی ہسپتال واپسی کی ویڈیو بنانے والا کارکن پکڑا گیا
بانی پی ٹی آئی عمران خان کی پمز ہسپتال سے واپسی کی ویڈیو بنانے والے جماعت کے سوشل میڈیا ایکٹوسٹ کو تحویل میں لے لیا گیا۔
رپورٹس کے مطابق حیدر سعید کو داہگل ناکہ کے قریب سے حراست میں لیا گیا، جس کے بعد انہیں پولیس وین کے ذریعے پولیس چوکی اڈیالہ منتقل کر دیا گیا۔
ذرائع کا کہنا ہے کہ حیدر سعید گزشتہ شب پمز ہسپتال کے باہر موجود تھے اور انہوں نے بانی پی ٹی آئی کی ہسپتال سے روانگی کے وقت گاڑیوں کی ویڈیو فوٹیج بنائی تھی۔
پولیس حکام کی جانب سے واقعے سے متعلق مزید تفصیلات تاحال جاری نہیں کی گئیں۔
