عالمی منڈی میں سونے کی قیمت میں ایک بار پھر نمایاں کمی دیکھنے میں آئی ہے۔ بین الاقوامی مارکیٹ میں فی اونس سونا 172 ڈالر سستا ہو کر 4721 ڈالر کی سطح پر آ گیا ہے، جبکہ ٹریڈنگ کے دوران سونے کی قیمت میں 3 فیصد سے زائد کمی ریکارڈ کی گئی۔
ماہرین کے مطابق عالمی معاشی صورتحال اور سرمایہ کاروں کے رجحانات میں تبدیلی کے باعث قیمتی دھاتوں پر دباؤ دیکھا جا رہا ہے۔
دوسری جانب عالمی منڈی میں خام تیل کی قیمتوں میں بھی نمایاں کمی ہوئی ہے۔ برینٹ خام تیل تقریباً 67 ڈالر جبکہ ڈبلیو ٹی آئی خام تیل 63 ڈالر فی بیرل میں فروخت ہو رہا ہے، جس میں مجموعی طور پر 4 فیصد تک کمی ریکارڈ کی گئی ہے۔
