نومیڈ گیمز میں پاکستانی دستے کی دھواں دار انٹری
نومیڈ گیمز میں پاکستانی دستے کی دھواں دار انٹری
نومیڈ گیمز میں پاکستانی دستے کی دھواں دار انٹری-کرغزستان میں جاری چھٹے ورلڈ نومیڈ گیمز کی افتتاحی تقریب میں پاکستانی کھلاڑیوں کے دستے نے بھی شرکت کی
، جس پر وزیراعظم شہباز شریف نے کھڑے ہوکر پاکستانی ایتھلیٹس کو خراج تحسین پیش کیا۔
پاکستانی دستے کی اسٹیڈیم آمد کے موقع پر شائقین نے بھی بھرپور انداز میں تالیاں بجا کر قومی کھلاڑیوں کا استقبال کیا۔
وزیراعظم شہباز شریف افتتاحی تقریب میں شرکت کے لیے اسٹیڈیم پہنچے تو کرغزستان کے صدر نے ان کا استقبال کیا۔ تقریب میں شنگھائی تعاون تنظیم (SCO) کے اجلاس میں شرکت کے لیے کرغزستان پہنچنے والے مختلف ممالک کے سربراہان اور اعلیٰ حکام بھی موجود تھے۔
وزیر اعظم محمد شہباز شریف نے بشکیک میں منعقدہ چھٹی ورلڈ نومیڈ گیمز کی افتتاحی تقریب میں شرکت کی. تقریب میں شرکت کے لئے آمد پر کرغستان کے صدر (Sadyr Nurgozhoevich Japarov) صادر نورگوجوئچ ژاپاروف نے وزیر اعظم کا استقبال کیا.
افتتاحی تقریب میں شنگھائی تعاون تنظیم کے اجلاس میں شرکت… pic.twitter.com/UJwLJTLvz4
— Prime Minister's Office (@PakPMO) August 31, 2026
ورلڈ نومیڈ گیمز میں پاکستان کے کھلاڑی مختلف روایتی کھیلوں میں اپنی صلاحیتوں کا مظاہرہ کریں گے۔ یہ عالمی مقابلہ وسطی ایشیا اور دیگر خطوں کے روایتی و ثقافتی کھیلوں کو بین الاقوامی سطح پر اجاگر کرنے کے لیے منعقد کیا جاتا ہے۔
اعلامیے کے مطابق چھٹے ورلڈ نومیڈ گیمز 31 اگست سے 6 ستمبر 2026 تک کرغزستان میں جاری رہیں گے، جن میں مختلف ممالک کے کھلاڑی متعدد روایتی کھیلوں میں حصہ لے رہے ہیں۔
پاکستانی دستے کی شرکت کو ملک کے لیے باعثِ فخر قرار دیا جارہا ہے، جبکہ افتتاحی تقریب میں وزیراعظم کی جانب سے کھڑے ہوکر کھلاڑیوں کو خراج تحسین پیش کرنے کے مناظر بھی توجہ کا مرکز بن گئے۔
