گلگت بلتستان انتخابات:غیر حتمی نتائج کا سلسلہ جاری

گلگت بلتستان اسمبلی کے عام انتخابات کے بعد ووٹوں کی گنتی جاری ہے اور مختلف حلقوں سے غیر حتمی اور غیر سرکاری گلگت بلتستان انتخابات: غیر حتمی نتائج کا سلسلہ جاری– نتائج سامنے آنے کا سلسلہ جاری ہے۔ پولنگ کے اختتام کے بعد ابتدائی رجحانات میں پاکستان پیپلز پارٹی، مسلم لیگ (ن)، مجلس وحدت المسلمین، استحکام پاکستان پارٹی اور آزاد امیدواروں کے درمیان سخت مقابلہ دیکھنے میں آ رہا ہے۔

انتخابات میں مجموعی طور پر 403 امیدواروں نے حصہ لیا، جبکہ متعدد حلقوں میں مقابلہ انتہائی قریبی رہا۔ مختلف حلقوں میں ووٹوں کی گنتی مکمل ہونے کے ساتھ ساتھ کامیاب امیدواروں کے نام بھی سامنے آ رہے ہیں۔

ابتدائی نتائج کے مطابق پیپلز پارٹی کو متعدد نشستوں پر برتری حاصل ہوئی ہے، جبکہ مسلم لیگ (ن) اور آزاد امیدوار بھی اہم حلقوں میں کامیابی حاصل کرنے میں کامیاب رہے ہیں۔

گلگت بلتستان کے مختلف حلقوں میں ووٹرز نے بھرپور شرکت کی اور پولنگ کے دوران لمبی قطاریں دیکھنے میں آئیں۔ پولنگ کا عمل شام 5 بجے تک بلا تعطل جاری رہا۔

ابتدائی نتائج کے مطابق مختلف حلقوں میں درج ذیل امیدوار آگے یا کامیاب قرار پائے ہیں:

• گلگت 1 میں پیپلز پارٹی کے امجد حسین آگے
• گلگت 2 میں مسلم لیگ (ن) کے حفیظ الرحمان برتری پر
• گلگت 3 میں آزاد امیدوار سید سہیل عباس آگے
• نگر 1 میں پیپلز پارٹی کے محمد علی اختر کامیاب
• نگر 2 میں آزاد امیدوار جہانگیر شاہ آگے
• ہنزہ میں آزاد امیدوار نیک نام کریم برتری پر
• اسکردو 1 میں پیپلز پارٹی کے سید توقیر مہدی کامیاب
• اسکردو 2 میں پیپلز پارٹی کے سید محمد علی شاہ آگے
• اسکردو 3 میں پیپلز پارٹی کے فدا محمد ناشاد کامیاب
• شگر میں پیپلز پارٹی کے عمران ندیم آگے
• استور 1 میں مسلم لیگ (ن) کے رانا فرمان علی آگے
• استور 2 میں مسلم لیگ (ن) کے رانا محمد فاروق برتری پر
• دیامر 1 میں آزاد امیدوار محمد دلپذیر آگے
• دیامر 2 میں استحکام پاکستان پارٹی کے عتیق اللہ آگے
• دیامر 3 میں پیپلز پارٹی کے محمد نسیم برتری پر
• دیامر 4 میں مسلم لیگ (ن) کے کفایت الرحمان آگے
• غذر 1 میں مسلم لیگ (ن) کے ظفر محمد آگے
• غذر 2 میں آزاد امیدوار صفدر علی شیرازی برتری پر
• غذر 3 میں آزاد امیدوار امان علی آگے
• گھانچے 1 میں مسلم لیگ (ن) کے محمد ابراہیم ثنائی کامیاب
• گھانچے 2 میں آزاد امیدوار انور علی آگے
• گھانچے 3 میں آزاد امیدوار اسد شفیق کامیاب

انتخابی حکام کے مطابق یہ تمام نتائج غیر حتمی اور غیر سرکاری ہیں اور حتمی اعلان ریٹرننگ افسران کی جانب سے قانونی کارروائی مکمل ہونے کے بعد کیا جائے گا۔