امریکی بحریہ نے بحیرہ عرب میں ایک اور مشتبہ تجارتی جہاز کو روک کر اس کی تلاشی لی۔
جاری بیان کے مطابق منگل کے روز امریکی اہلکاروں نے ’’ایم وی بلیو اسٹار تھری‘‘ نامی جہاز کو اس شبہے پر روکا کہ وہ مبینہ طور پر ایران سے متعلق پابندیوں کی خلاف ورزی کر رہا ہے۔
حکام کا کہنا ہے کہ مکمل تلاشی اور جانچ پڑتال کے بعد یہ واضح ہوا کہ جہاز کسی ایرانی بندرگاہ کی جانب نہیں جا رہا تھا، جس پر اسے کلیئرنس دے کر روانہ ہونے کی اجازت دے دی گئی۔
بیان میں مزید کہا گیا ہے کہ خطے میں بحری نقل و حمل کی نگرانی معمول کے مطابق جاری رہے گی تاکہ بین الاقوامی قوانین کی پاسداری یقینی بنائی جا سکے۔
