کیپٹن عباس خان شہید کی نمازِ جنازہ پشاور میں ادا- خیبرپختونخوا کے علاقے باڑہ میں آپریشن کے دوران جامِ شہادت نوش کرنے والے پاک فوج کے افسر کیپٹن عباس خان شہید کی نمازِ جنازہ پشاور میں ادا کر دی گئی۔
نمازِ جنازہ میں وزیراعلیٰ خیبرپختونخوا، کور کمانڈر پشاور، اعلیٰ سول و عسکری حکام، شہید کے اہلِ خانہ اور بڑی تعداد میں افراد نے شرکت کی۔
نمازِ جنازہ کے بعد شہید کیپٹن عباس خان کا جسدِ خاکی اُن کے آبائی علاقے روانہ کر دیا گیا، جہاں انہیں مکمل فوجی اعزاز کے ساتھ سپردِ خاک کیا جائے گا۔ کیپٹن عباس خان شہید نے وطن کے دفاع کے دوران اپنی جان کا نذرانہ پیش کیا۔
دفاعِ وطن کے لیے شہداء کی قربانیاں سیکیورٹی فورسز کے عزم و حوصلے کو مزید مضبوط کرتی ہیں اور قوم ان عظیم قربانیوں کو ہمیشہ یاد رکھے گی۔
