پیٹرول 367 روپے 75 پیسے، ڈیزل 392 روپے 67 پیسے فی لیٹر ہوگیا

پیٹرول 367 روپے 75 پیسے، ڈیزل 392 روپے 67 پیسے فی لیٹر ہوگیا-حکومت نے پیٹرولیم مصنوعات کی قیمتوں میں ایک بار پھر اضافہ کردیا، جس کے بعد پیٹرول اور ہائی اسپیڈ ڈیزل مزید مہنگے ہوگئے ہیں۔

پیٹرولیم ڈویژن کی جانب سے جاری نوٹیفکیشن کے مطابق ہائی اسپیڈ ڈیزل کی قیمت میں فی لیٹر 6 روپے 72 پیسے اضافہ کیا گیا ہے، جس کے بعد نئی قیمت 392 روپے 67 پیسے فی لیٹر ہوگئی ہے۔

اسی طرح پیٹرول کی قیمت میں بھی فی لیٹر 3 روپے 40 پیسے کا اضافہ کیا گیا ہے، جس کے بعد پیٹرول کی نئی قیمت 367 روپے 75 پیسے فی لیٹر مقرر کردی گئی ہے۔

نوٹیفکیشن کے مطابق نئی قیمتوں کا اطلاق 10 ستمبر 2026 سے ہوگا۔

حکومت کی جانب سے گزشتہ دنوں بھی پیٹرولیم مصنوعات کی قیمتوں میں اضافہ کیا گیا تھا، جس کے بعد پیٹرول 364 روپے 35 پیسے جبکہ ہائی اسپیڈ ڈیزل 385 روپے 95 پیسے فی لیٹر کی سطح پر پہنچا تھا۔

حالیہ اضافے کے بعد دونوں اہم پیٹرولیم مصنوعات کی قیمتوں میں ایک مرتبہ پھر نمایاں اضافہ ہوگیا ہے۔