دورانِ سفر صمود فلوٹیلا پر 3 ڈرون حملے ہوئے،مشتاق احمد
اسلام آباد، جماعتِ اسلامی کے رہنما اور سابق سینیٹر مشتاق احمد نے انکشاف کیا ہے کہ دورانِ سفر صمود فلوٹیلا پر تین بار ڈرون حملے کیے گئے۔
اسلام آباد میں میڈیا سے گفتگو کرتے ہوئے انہوں نے بتایا کہ“ہم نے 30 دن اور 30 راتیں سمندر میں گزاریں، اس دوران ہمیں متعدد خطرات کا سامنا رہا۔”
سابق سینیٹر نے کہا کہ دو سال سے فلسطین میں مسلمانوں کا قتلِ عام جاری ہے ، ہزاروں بچے معذور اور یتیم ہو چکے ہیں۔ ان کے مطابق مسلمان ممالک کو متحد ہو کر فلسطین کے مسئلے پر عملی اقدامات کرنے ہوں گے۔
مشتاق احمد کا کہنا تھا کہ “پچھلے دو برسوں سے فلسطین میں جاری نسل کشی ظلم کی انتہا ہے، عالمی برادری کی خاموشی قابلِ افسوس ہے۔”
