ورلڈ چیمپئن شپ آف لیجنڈز کا فائنل آج کھیلا جائے گا
برمنگھم میں جاری ورلڈ چیمپئن شپ آف لیجنڈز کا فائنل آج کھیلا جائے گا فائنل میچ میں پاکستان اور جنوبی افریقہ کی ٹیمیں آمنے سامنے ہوں گی۔
بھارت کے پاکستان کیخلاف پہلے سیمی فائنل میں کھیلنے سے انکارپرقومی ٹیم کو فائنل میں واک اووردیا گیا، دوسرے سیمی فائنل میں ساؤتھ افریقا نے آسٹریلیا کو 1 رن سے سنسنی خیزمقابلے میں شکست دیکرفائنل میں جگہ بنائی۔
یہ بھی پڑھیں:۔ رضوان،بابر اعظم سمیت 4 کھلاڑی فلوریڈا پہنچ گئے
کرکٹ پنڈتوں نے پاکستان کو مضبوط ٹیم قراردیا ہے تاہم جنوبی افریقہ نے بھی شاندارکارکردگی سے پوائنٹس ٹیبل میں بلندی حاصل کی۔
پاکستانی شاہد آفریدی نے کہا ہے کہ ٹیم بہترین کارکردگی کیلئے پُرعزم ہے اورشائقین کوشاندارکھیل دیکھنے کو ملے گا،ساؤتھ افریقہ کے کھلاڑیوں نے بھی فائنل جیتنے کے لیے بھرپورمحنت کا عزم ظاہرکیا ہے۔
