واشنگٹن: امریکی صدر ڈونلڈ ٹرمپ نے سعودی ولی عہد محمد بن سلمان سے ٹیلی فونک رابطہ کیا اور مشرق وسطیٰ میں جنگ بندی مذاکرات پر تبادلہ خیال کیا۔
امریکی میڈیا کے مطابق دونوں رہنماؤں نے ایران کے حوالے سے خطے میں کشیدگی اور ممکنہ جنگ بندی کے اقدامات پر بات چیت کی۔ صدر ٹرمپ نے سعودی ولی عہد کو اس بات سے آگاہ کیا کہ ایران کی نئی قیادت نے امریکا سے جنگ بندی کی درخواست کی ہے اور اس معاملے پر غور آئندہ کیا جائے گا۔
صدر ٹرمپ نے وضاحت کی کہ ممکنہ جنگ بندی کا تعلق آبنائے ہرمز کی مکمل اور محفوظ بحالی سے ہے، اور اس شرط کے پورا ہونے پر ہی امریکا اس پر غور کرے گا۔ انہوں نے ایران کی نئی حکومت کے صدر کو سابقہ حکومتی قیادت کے مقابلے میں کم شدت پسند اور زیادہ ذہین قرار دیا۔
امریکی اور سعودی قیادت کے درمیان یہ رابطہ مشرق وسطیٰ میں امن کے قیام اور کشیدگی کم کرنے کی کوششوں کے سلسلے میں اہم پیش رفت سمجھا جا رہا ہے۔
