پٹرول برقرار،ڈیزل14 روپے فی لیٹر سستا-آئندہ 15 روز کے لیے پیٹرولیم مصنوعات کی قیمتوں کا نوٹیفکیشن جاری کر دیا
اسلام آباد: وفاقی حکومت نے آئندہ 15 روز کے لیے پیٹرولیم مصنوعات کی قیمتوں کا نوٹیفکیشن جاری کر دیا ہے۔ اس کے مطابق ڈیزل کی قیمت میں 14 روپے فی لیٹر کمی کر دی گئی ہے۔
کمی کے بعد فی لیٹر ڈیزل کی نئی قیمت 265 روپے 65 پیسے مقرر کی گئی ہے۔ پیٹرول کی قیمت 263 روپے 45 پیسے پر برقرار رکھی گئی ہے۔
وفاقی وزارت توانائی کے نوٹیفکیشن کے مطابق یہ قیمتیں آئندہ 15 روز کے لیے لاگو ہوں گی۔
