ہانگ کانگ کے رہائشی کمپلیکس میں آتشزدگی،ہلاکتوں کی تعداد 55 ہو گئی
ہانگ کانگ کے ایک بڑے رہائشی کمپلیکس میں لگنے والی خوفناک آگ کے نتیجے میں اموات کی تعداد 55 تک پہنچ گئی ہے۔ آتشزدگی ہانگ کانگ کے شمالی علاقے میں واقع کثیرالمنزلہ عمارت میں گزشتہ رات پیش آئی۔
فائر سروس حکام کے مطابق آگ اچانک پھیل گئی اور چند ہی منٹوں میں عمارت کے متعدد بلاکس کو اپنی لپیٹ میں لے لیا۔ ابتک کی اطلاعات کے مطابق 51 افراد موقع پر ہی زندگی کی بازی ہار گئے، جب کہ 4 زخمی دوران علاج اسپتال میں دم توڑ گئے۔
حکام کا کہنا ہے کہ رہائشی کمپلیکس کے آٹھ میں سے چار بلاکس میں لگی آگ پر قابو پالیا گیا ہے، جبکہ باقی بلاکس میں آگ بجھانے کا کام تیزی سے جاری ہے۔ ایک بلاک مکمل طور پر محفوظ رہا ہے جسے آگ نے متاثر نہیں کیا۔
فائر فائٹرز اور ریسکیو ٹیمیں اب بھی متاثرہ حصوں میں پھنسے ہوئے لوگوں کی تلاش اور متاثرین کے انخلا میں مصروف ہیں، جبکہ آگ لگنے کی وجوہات کا تعین کیا جا رہا ہے۔
