فیلڈ مارشل سے برطانوی چیف آف جنرل سٹاف کی ملاقات
راولپنڈی کے جی ایچ کیو میں فیلڈ مارشل عاصم منیر نے برطانوی چیف آف جنرل سٹاف سے ملاقات کی، جس میں دونوں جانب سے باہمی دلچسپی اور علاقائی سلامتی کے امور پر تبادلہ خیال کیا گیا۔
دونوں ممالک نے دفاعی تعاون کو مزید مضبوط بنانے کے عزم کا اعادہ کیا۔ ملاقات کے دوران دہشتگردی کے خلاف پاک فوج کی قربانیوں کو سراہا گیا۔
برطانوی چیف آف جنرل سٹاف نے یادرگارِ شہداء پر حاضری دی اور پھولوں کی چادر چڑھائی۔ پاک فوج کے چاق و چوبند دستے نے انہیں گارڈ آف آنر بھی پیش کیا۔
