افغانستان ہندوکش میں 6.3شدت کازلزلہ،20جاں بحق
مزار شریف: افغانستان کے ہندوکش خطے میں شدید زلزلے کے جھٹکے محسوس کیے گئے، جس کے نتیجے میں کم از کم 20 افراد جاں بحق اور 320 زخمی ہو گئے ہیں۔
خبر رساں ادارے کے مطابق زلزلے کے جھٹکے مزار شریف سمیت دیگر شہروں میں بھی محسوس کیے گئے، جبکہ مختلف حادثات میں مکانات کو شدید نقصان پہنچا۔ حکام نے ہلاکتوں میں اضافے کا خدشہ ظاہر کیا ہے۔
قتل 20 شخصاً على الأقل جراء زلزال شديد بلغت قوته 6,3 درجات ضرب شمال #أفغانستان ليل الأحد الاثنين، بعد شهرين من سقوط أكثر من ألفي قتيل، في ما كانت أعلى حصيلة لهزات أرضية تسجلها البلاد في تاريخها الحديث.https://t.co/9WtT7qfDHW #فرانس_برس
✍️📸 @atif_aryan pic.twitter.com/kgeGdFZhCD
— فرانس برس بالعربية (@AFPar) November 3, 2025
فرانسیسی خبر رساں ادارے اے ایف پی کے مطابق زلزلے کے وقت شہری خوفزدہ ہو کر گھروں سے باہر نکل آئے اور کھلے مقامات کی طرف دوڑنے لگے کیونکہ انہیں خدشہ تھا کہ ان کے مکانات گر سکتے ہیں۔
امریکی جیولوجیکل سروے کے مطابق زلزلے کی شدت 6.3 ریکارڈ کی گئی جبکہ گہرائی 28 کلومیٹر تھی۔ زلزلے کا مرکز صوبہ سمنگان کے ضلع خلم سے تقریباً 22 کلومیٹر جنوب مغرب میں واقع تھا۔
تلفات زمینلرزه در شمال افغانستان رو به افزایش است
منابع صحی اعلام کردهاند که شمار جانباختگان زمینلرزهٔ دیشب در ولایتهای بلخ و سمنگان به بیش از ۲۰ نفر رسیده و بیش از ۳۲۰ تن دیگر زخمی شدهاند.
به گفتهٔ این منابع، آمار قربانیان همچنان در حال افزایش است و تیمهای امدادی در… pic.twitter.com/g4XeduTnR6
— ASR 1 TV (@Asr1tv) November 3, 2025
رپورٹس کے مطابق زلزلے کے جھٹکے ترکمانستان، تاجکستان، ازبکستان اور ایران میں بھی محسوس کیے گئے۔
واضح رہے کہ رواں سال 31 اگست کو افغانستان میں 6.0 شدت کے زلزلے میں 2 ہزار سے زائد افراد جاں بحق ہوئے تھے، جبکہ 2023 میں 6.3 شدت کے زلزلے اور آفٹر شاکس کے نتیجے میں کم از کم 4 ہزار افراد جاں بحق ہوئے تھے۔
