ٹریفک پولیس اہلکارنے ای چالان سے بچنے کا طریقہ بتا دیا
کراچی میں ٹریفک پولیس کے ایک اہلکار کی ویڈیو سوشل میڈیا پر وائرل ہوگئی، جس میں وہ نامکمل نمبر پلیٹ والی موٹرسائیکل چلاتے ہوئے دیکھا جا سکتا ہے۔
تفصیلات کے مطابق اہلکار نے خود کو ای چالان سے بچانے کے لیے اپنی موٹر سائیکل کی نمبر پلیٹ سے نمبرز مٹا دیے۔ شہری نے یہ ویڈیو ایکسپو سینٹر کے قریب بنائی جو دیکھتے ہی دیکھتے سوشل میڈیا پلیٹ فارمز پر وائرل ہوگئی۔
ایکسپو سینٹر کے قریب ٹریفک پولیس اہلکار کی ای چالان سے بچنے کے زبردست جگاڑ
اہلکار نے اپنے اس عمل سے شہریوں کو دیکھایا ہے کہ گاڑی کی نمبر پلیٹ پر ہلکی سی مٹی یا ٹیپ لگا لیں تاکہ کیمرہ نمبر صاف نہ پڑھ سکے، یوں ای چالان سے بچا جا سکتا ہے۔ pic.twitter.com/VuEezapMa5
— کراچی میری جان (@AmirRauf3) November 2, 2025
ویڈیو میں واضح طور پر دیکھا جا سکتا ہے کہ اہلکار بائیں جانب مڑتے ہوئے دائیں طرف کا انڈیکیٹر آن کیے ہوئے ہے۔ شہریوں نے اس رویے پر برہمی کا اظہار کرتے ہوئے کہا ہے کہ قانون نافذ کرنے والے خود قانون کی خلاف ورزی کر رہے ہیں۔
