امین خان لودھی اسٹیٹ بینک کے نئے ڈپٹی گورنر مقرر-اسٹیٹ بینک آف پاکستان میں اہم تعیناتی عمل مکمل ہو گیا ہے اور مانیٹری پالیسی اینڈ ریسرچ گروپ کے ایگزیکٹو ڈائریکٹر امین خان لودھی کو اسٹیٹ بینک کا ڈپٹی گورنر مقرر کر دیا گیا ہے۔
کراچی سے باضابطہ نوٹیفکیشن کے مطابق امین خان لودھی اپنی نئی ذمہ داریاں پانچ سالہ مدت کے لیے انجام دیں گے۔
ذرائع کے مطابق امین خان لودھی مالیاتی پالیسی، تحقیق اور معاشی استحکام کے اہم شعبوں سے وابستہ رہے ہیں اور مرکزی بینک کے سینئر ماہرین میں شمار ہوتے ہیں۔ انہیں مانیٹری پالیسی اور معاشی اصلاحات میں وسیع تجربہ حاصل ہے۔
ان کی تعیناتی سے اسٹیٹ بینک کے مالیاتی پالیسی ڈھانچے کو مزید مضبوط بنانے کی توقع ظاہر کی جا رہی ہے۔
