ایس پی عدیل اکبر کی نمازِ جنازہ ادا
اسلام آباد:وفاقی پولیس کے ایس پی عدیل اکبر کی نمازِ جنازہ اسلام آباد پولیس لائنز میں ادا کردی گئی۔
نمازِ جنازہ میں وزیرِ مملکت برائے داخلہ طلال چوہدری، آئی جی اسلام آباد علی ناصر رضوی، پولیس افسران، لاء انفورسمنٹ ایجنسیز کے اہلکاروں اور سویلینز کی بڑی تعداد نے شرکت کی۔
یہ بھی پڑھیں:۔ اسلام آباد پولیس کے ایس پی عدیل اکبر نے مبینہ طور پر خودکشی کرلی
نمازِ جنازہ کے بعد ایس پی عدیل اکبر کے جسدِ خاکی کو سرکاری اعزاز کے ساتھ ان کے آبائی گاؤں روانہ کردیا گیا۔
ایس پی عدیل اکبر کی نماز جنازہ پولیس لائنز اسلام آباد میں ادا کردی گئی۔ pic.twitter.com/pbtt1hPUcf
— Rizwan Ghilzai (Remembering Arshad Sharif) (@rizwanghilzai) October 23, 2025
واضح رہے کہ ایس پی عدیل اکبر نے جمعرات کے روز مبینہ طور پر خودکشی کی تھی۔ وہ سرینا ناکے پر موجود تھے جہاں انہوں نے کسی سے فون پر بات کی اور اس کے فوری بعد اپنے اسٹاف سے پستول لے کر خود کو گولی مار لی۔
واقعے کی تحقیقات جاری ہیں جبکہ پولیس نے جائے وقوعہ سے شواہد اکٹھے کر کے ایس پی کے موبائل فون کا ڈیٹا حاصل کر لیا ہے۔
