شہداء کا ذکر کرتے ہوئے ڈی جی آئی ایس پی آر آبدیدہ ہو گئے
پشاور: پاک فوج کے ترجمان لیفٹیننٹ جنرل احمد شریف چوہدری پریس کانفرنس کے دوران اس وقت آبدیدہ ہو گئے جب وہ وطن پر قربان ہونے والے شہداء کا ذکر کر رہے تھے۔
ڈی جی آئی ایس پی آر نے جذباتی انداز میں کہا کہ ’’جن جوانوں نے مادرِ وطن کے دفاع میں جانیں قربان کیں، ان کے بچے آج بھی میری آنکھوں کے سامنے ہیں۔‘‘ چند لمحوں کے توقف کے بعد انہوں نے کہا کہ شہداء قوم کے ہیرو ہیں، ان کی قربانیاں کبھی رائیگاں نہیں جائیں گی۔
DG ISPR gets emotional while mentioning the martyrs of war against terror۔#DGISPR #ispr #Peshawar #PakArmy #PakistanArmy #Pakistan pic.twitter.com/MYW4I8Eibb
— My Home Land (@myhomeland_pk) October 10, 2025
ترجمان نے کہا کہ پاک فوج ہمیشہ شہداء کے اہلِ خانہ کے ساتھ کھڑی ہے اور ان کی خدمت کو اپنا فرض سمجھتی ہے۔ انہوں نے قوم سے اپیل کی کہ وطن کے دفاع اور استحکام کے لیے اتحاد، نظم و ضبط اور قربانی کے جذبے کو فروغ دیا جائے۔
انہوں نے مزید کہا کہ پاکستان نے چار دہائیوں تک لاکھوں افغان مہاجرین کی میزبانی کی، اور افغانستان سے صرف یہی مطالبہ ہے کہ اپنی سرزمین ہمارے خلاف استعمال نہ ہونے دیں۔ ریاست، افواج اور ادارے کسی قسم کے گٹھ جوڑ کو برداشت نہیں کریں گے۔
