ٹرمپ کا غزہ امن منصوبہ نیتن یاہو کے لیے چیلنج بن گیا
امریکی صدر ڈونلڈ ٹرمپ کا غزہ امن منصوبہ اسرائیلی وزیرِ اعظم نیتن یاہو کے لیے ایک مشکل صورتِ حال پیدا کر گیا ہے۔
نیویارک ٹائمز کی رپورٹ کے مطابق نیتن یاہو یہ توقع کر رہے تھے کہ امریکی منصوبہ اسرائیل کو حماس کے خلاف مکمل کامیابی دلائے گا، لیکن فی الحال ایسا ممکن نہیں دکھائی دیتا۔
رپورٹ میں مزید کہا گیا ہے کہ حماس نے تمام یرغمالیوں کی رہائی پر رضامندی ظاہر کی ہے،
تاہم ہتھیار ڈالنے سے انکار کر دیا ہے۔ اسرائیلی خارجہ امور کے سینئر اہل کار ایرن اٹزیون کے مطابق یہ مذاکرات جنگ بندی کی شرائط کے تحت ہوں گے، جو نیتن یاہو کے فوجی حکمت عملی کے منصوبوں کے خلاف ہیں۔
